Bu gün Topaz Premyer Liqasının 15-ci turu çərçivəsində “Qəbələ” “Sumqayıt”ı qəbul edib.
Korner.az-ın məlumtına görə, matç 1-1 hesabı ilə başa çatıb.
Oyundan sonra mətbuat konfransı keçirilib. “Sumqayıt”ın baş məşqçisi Samir Abbasov jurnalistlərə açıqlamasında bunları deyib:
“Çətin səfər oyun idi. Özü də qış fasiləsindən sonra səfərdə liderlərindən birinə qarşı oynamaq asan deyildi. Komandada mövqe baxımdan xeyli dəyişiklik etmişik. Maraqlı oyun oldu. Bizdə bir az həyacan vardı. Qolu gözlədiyimizdən tez vurduq və tez də buraxdıq. Biz fikirləşirdik ki, sona yaxın bu qolu vurarıq. Çünki rəqib nəyin bahasına olursa-olsun udmaq istəyirdi.Futbolçularımızın çoxu gəncdir. Buna baxmayaraq, onlar bu gün sonadək mübarizə aparıb bir xal qazandılar”.
Baş məşqçi yeni transferləri barədə də danışıb: “Sergey Çernışev ikinci hissədə meydana daxil oldu. Onu vəzifəsi əks hücumlarda fəal iştirak idi. Bunun da öhdəsindən gəldi. Fərhad Qıstarov isə Azərbaycanda yenidir. İlk rəsmi matçında yaxşı oynayacağı gözlənilən deyildi”. (Qol.az)