Bu gün Topaz Premyer Liqasının 15-ci turu çərçivəsində “Qəbələ” “Sumqayıt”ı qəbul edib.
Korner.az-ın məlumtına görə, 1-1 hesabı ilə başa çatan matçdan sonra “Qəbələ”nin baş məşqçisi Roman Qriqorçuq deyib:
“Nə qədər qol imkanımız oldu, istifadə edə bilmədik. Başa düşmürəm ki, onlar niyə qol vura bilmirlər. Görünür, ustalıq səviyyələri çatmır. Bunun üzərində işləmək lazımdır”.
Qriqorçuk qış transfer pəncərəsi dövründə yeni hücumçu almalarının mümkünlüyü il bağlı suala belə cavab verib: “Biz də istəyirik alaq. Futbolçulara bəzən zarafatla deyirəm ki, “Qəbələ”yə artıq mən yaşda, 60 yaşda hücumçu axtarıram ki, gəlib sadəcə, qol vursun. Çünki qol vurmaq üçün hər şeyi edirik, amma yekun nöqtəni qoya bilmirik”.
Qriqorçuk yeni futbolçuları Araz Abdullayev haqda da danışıb: “Onun böyük potensialı var. Bu potensialın tam açılması üçün ona kömək etməliyik”. (Qol.az)
