Türkiyənin “Sivasspor” klubunun baş məşqçisi Sərgən Yalçın istefa verib.
Korner.az-ın məlumatna görə, bu barədə klubun rəsmi saytı xəbər yayıb.
S.Yalçın superliqanın son turunda “Trabzonspor”la məğlubiyyətdən (0:2) dərhal sonra istefasını açıqlayıb. Veteran futbolçunun istəyi klub tərəfindən qəbul olunub.
“Sivasspor” 9 turdan sonra 6 xalla 16-cı pillədə qərarlaşıb. Sivas təmsilçisi cari mövsüm superliqada qələbə qazanmayan yeganə komandadır.
Qeyd edək ki, S.Yalçın bu ilin yanvarından “Sivasspor”u çalışdırırdı.
