Oyuna piş başlamadıq. Lakin rəqib bəzi səhvlərimizdən yararlandı. İlk hissəni məğlub başa vurduq”.
Korner.az-ın məlumatına görə, bu sözləri “Neftçi”nin baş məşqçisi Samir Əliyev Azərbaycan Premyer Liqasının 7-ci turunda “Zirə”yə 0:2 hesabı ilə uduzduqları matçdan sonra deyib.
O, Fəhmin Muradbəylinin qırmızı vərəqə almasının onları pis vəziyyətdə qoyduğunu bildirib:
” Bəziləri “Qarabağ”la matçdan sonra özlərini yetişmiş, püxtələşmiş oyunçu hesab edir. Həmin adamlarla söhbətimiz olacaq. Fəhmin isə hərəkətinə görə mütləq cəzalanacaq. 19 yaşlı oyunçu belə hərəkət etməməlidir”.
S.Əliyev məğlubiyyətdə özü də daxil olmaqla hər kəsin günahı olduğunu vurğulayıb:
“Oyundan öncə bölgü olur. Biz cərimə zərbələrini Anyete və Ruslan Qurbanova tapşırmışdıq. Hər ikisi qol vurmaq istəyirdi və yəqin buna görə cəriməni yerinə yetirmək üstündə mübahisə yarandı. Hazırda bizimlə məşq edən Cavid İmamverdiyevin problemi isə yaxın günlərdə həll olunmalıdır. Ona ehtiyacımız var”.
