“Sumqayıt”da yeni hücumçu
01.09.2023 , 17:36
“Sumqayıt” klubu daha bir futbolçunun keçidini reallaşdırıb.
Korner.az xəbər verir ki, “kimyaçılar” son klubu Kipr “Anortosis”i olan Çad millisinin üzvü Kasmir Ninqa ilə 1 illik müqavilə imzalayıb.
30 yaşlı cinah hücumçusu 11 nömrəli formada çıxış edəcək.
Kasmir Ninqa karyerası ərzində “Monpelye”, “Kann”, “Anje” (hamısı Fransa), “Sivasspor” (Türkiyə) və “Anortosis” (Kipr) klublarında çıxış edib. Çad millisində 18 oyun keçirən Ninqa 5 dəfə rəqib qapılarına yol tapıb.
