“Qarabağ” “Kayrat”la oyunu izləmək istəyən azarkeşlərə müraciət etdi
02.11.2021 , 10:25
“Qarabağ” klubu Qazaxıstanda “Kayrat”a qarşı UEFA Konfrans Liqasının qrup mərhələsinin 4-cü tur oyununu izləmək istəyən azərbaycanlı azarkeşlərə müraciət edib.
Korner.az xəbər verir ki, bu barədə klubun mətbuat xidməti məlumat yayıb. “Qarabağ”ın müraciətini təqdim edirik:
“Almatıdakı oyunu stadiondan izləmək istəyən soydaşlarımızın nəzərinə!
UEFA Avropa Konfrans Liqasının qrup mərhələsinin 4-cü turunda keçiriləcək “Kayrat” – “Qarabağ” matçına biletlər satışdadır.
Xatırladaq ki, oyunu stadiondan izləmək və komandamıza dəstək olmaq istəyən azarkeşlərə “Kayrat” klubu tərəfindən 26, 27 və 28-ci sektorlar ayrılıb.
Bilet alarkən bunu nəzərə almağınızı xahiş edirik.
Biletlərin qiyməti 2 min təngədir”.
Noyabrın 4-də keçiriləcək “Kayrat” – “Qarabağ” matçı Bakı vaxtı ilə saat 19:30-da başlayacaq.
