“Futbolçularımı təbrik edirəm, verdiyim tapşırıqları yerinə yetirdilər, qələbə qazandıq. Təəssüf ki, Çertoqanov qırmızı vərəqə alaraq komandanı azlıqda qoydu. Onun barəsində tədbir görəcəyik".
Korner.az-ın məlumatına görə, bu sözləri "Qəbələ"nin baş məşqçisi Ramiz Məmmədov "Sumqayıt" üzərində qələbəni şərh edərkən deyib.
Yerli mütəxəssis nəticənin əsas olduğunu bildirib:
“Bakı” ilə oyunda itirdiyimiz üç xalı bu gün geri qaytardıq. Son turdakı acı məğlubiyyət uşaqları mənəvi cəhətdən “sındırmışdı”. Futbolçularla fərdi söhbət etmişdim, psixoloji gərginlikdə idilər. Bugünkü oyundan razı qalmasam da, nəticə məni qane edir. Hal-hazırda çempionatın elə zamanıdır ki, bizə əsas nəticə lazımdır”.
