Azərbaycan milli komandasının və Moldovanın "Milsami" klubunun futbolçusu Elhad Nəzirinin Korner.az saytına müsahibəsi
– Son oyunlarda komandanın əsas heyətində meydana çıxa bilmirsən. Buna səbəb nədi?
İki oyundu əsas heyətdə oynamıram. Axırıncı oyunda da oynamayacam. Çünki zədəm var. Millinin heyətində olarkən komandamız iki oyun dalbadal udmuşdu. Buna görə də, baş məşqçi qalib komandanın heyətinə dəyişiklik etmədi.
– Zədən ciddidimi?
Yox. Ciddi deyil. Sadəcə bir az dincəlməliyəm.
-Bəlkə baş məşqçi ilə hər hansı bir problemin var?
Yox. Hər şey qaydasındadı. Elə indicə gəlib ayağımdakı zədəmi soruşdular. (gülür)
– Ümumiyyətlə klubla müqavilən nə zaman bitir?
"Milsami" ilə müqaviləm 1+1-di. Təkliflər var. Alınsa bu transferlər, bunlardan birini dəyərləndirəcəm.
– Hansı ölkədən təkliflər almısan?
Ad açıqlamayacam. Alınsa, hamınız görəcəksiniz. Ancaq onu deyə bilərəm ki, Moldova klublarından da, var.
– Azərbaycandan necə təkliflər olubmu? Ümumiyyətlə iddialı klublardımı?
Bəli, iddialı klublardı. Azərbaycandan təklif almamışam və ora qayıtmağı da, hələ düşünmürəm.
– Azərbaycana qayıtmaq istəməməyin nə ilə bağlıdı
Azərbaycan çempionatı çox güclü keçir və çox yaxşı da vəsait var. Amma mən hələ xaricdə oynayıb təcrübə toplayıb, karyeramı davam etdirmək istəyirəm.
– "Milsami"də əsas heyətə düşə bilməmiyin milli karyerana təsir edəcəyini düşünürsənmi?
Son iki oyunda əsas heyətdə oynamıram. Mənim hələ qabağda görüləsi işlərim çoxdu. Məşqçinin fikirinə hörmətlə yanaşıram. Millidə olduğum müddətdə oynamadığım iki oyunu çıxsaq, qalan bütü oyunlarda meydan da olmuşam.
Səxavət QURBANOV
