Çempionlar Liqasının III mərhələsinin ilk oyununda Bakının “Neftçi” klubunu məğlub edən (4:0) İsrail çempionu “Hapoel”in hücumçusu Şimon Abuhatzira açıqlama verib.
Korner.az– ın məlumatına görə, Şimon bu hesabı heç gözləmirmiş.
Şimon oyunla bağlı bunları deyib: “4:0-lıq qələbəni xəyal belə etmirdim. Həqiqətən də bu cür hesabla qələbə qazanacağımızı heç vaxt təsəvvür etməzdim. Təbii ki, xoşbəxtəm. İndi ancaq bu qələbəni bayram etmək istəyirəm. Cavab matçı haqqında isə bir gün sonra da düşünmək olar.Bu qələbə bizə çox böyük təkan verdi. Bundan sonrakı hədəfimiz qrup mərhələsinə düşməkdi. Ancaq bu, o demək deyil ki, Bakıdakı oyuna turist kimi yollanacağıq. Xeyr, həmin oyuna da məsuliyyətlə hazırlaşacağıq”.
Qeyd edək ki, “Neftçi” – “Hapoel” matçı avqustun 8-də Bakıda, “Dalğa Arena”da keçiriləcək.
