"Qarabağ"ın yarımmüdafiəçisi Əfran İsmayılovun Korner.az-a müsahibəsi.
– Keçən tur oynadığınız “Bakı”yla qarşılaşma haqda nə deyə bilərsən?
– “Bakı” çempionatın yaxşı komandalarındandı. Onlara da 3 xal lazım idi, bizə də. Amma hər iki komanda müdafiəyəmeyilli oynadı. Məncə, hesab da ədalətli oldu.
– Amma komanda yoldaşların deyirlər ki, “Qarabağ” qələbəyə layiq idi…
– Əlbəttə, biz qələbəyə layiq idik. Belə baxanda ən çox hücum eləyən tərəf də biz idik. Qol epizodlarımız oldu. O oyun keçdi. İndi “Xəzər Lənkəran”la oyunu fikirləşirik. Çox çətin oyun olacaq. Onlarda əhval-ruhiyyə çox yüksəkdir. “Neftçi”ni məğlub etdikdən sonra bizimlə oyuna çox ciddi hazırlaşırlar. Çalışacağıq ki, qələbə qazanaq.
– Mövsümün sonunda nə gözləyirsən?
– «Qarabağ» həmişə çempionluğa oynayıb. Bu il də istəyirik çempion olaq. Avrokuboklar üçün çox darıxmışam.
– Son vaxtlar xəbərlər yayılıb ki, «Qarabağ»dan gedəcəksən. Hətta “Metallist”dən təklif aldığın deyilirdi. Bu haqda nə deyə bilərsən?
– Bu gün üçün “Qarabağ”ın oyunçusuyam. Bütün fikirlərimi də bu kluba yönəltmişəm. O ki qaldı “Metallist” söhbətinə, mənə nəinki bu klubdan, başqa klublardan da təklif gəlməyib. Gəlsə, əmin olun, birinci siz biləcəksiz.
Adil Mirzəzadə
![](https://korner.az/wp-content/uploads/2018/06/korner-logo.png)