“Avro-2016″nın seçmə mərhələsində oktyabrın 10-da, Bakı Olimpiya Stadionunda keçiriləcək Azərbaycan – İtaliya oyunu ərəfəsində təşkil olunacaq mətbuat konfranslarının və mətbuat üçün açıq məşqlərin vaxtı müəyyənləşib.
Korner.az-ın AFFA-nın rəsmi saytına istinadən verdiyi məlumata görə, ilk öncə millimizin baş məşqçisi Robert Prosineçkinin mətbuat konfransı baş tutacaq.
Xorvatiyalı mütəxəssis saat 18:45-də jurnalistlərin suallarını cavablandıracaq. 19:15-də isə yığmamızın ilk 15 dəqiqəsi mətbuat üçün açıq məşqi keçiriləcək.
İtaliya millisinin baş məşqçisi Antonio Kontenin mətbuat konfransı saat 21:00-da başlayacaq. Bundan 1 saat öncə isə Konte komandasını ilk 15 dəqiqəsi mətbuat üçün açıq məşqə çıxaracaq.
Qeyd edək ki, hər iki komandanın məşqi və mətbuat konfransı Bakı Olimpiya Stadionunda keçiriləcək.
