“Zirə”nin tarixində ilk
15.08.2023 , 11:21
Azərbaycan Premyer Liqasının 2023/24 mövsümünə iki quru hesablı qələbə ilə başlayan “Zirə” tarixində ilk dəfə belə uğura imza atıb.
Korner.az PFL-in saytına istinadən xəbər verir ki, Rəşad Sadıqovun baş məşqçisi olduğu komanda ilk turda “Qarabağ”, ardınca “Kəpəz”i eyni – 1:0 hesabı ilə məğlubiyyətə uğradıb.
Qəsəbə klubu ölkə çempionatları tarixinə startda iki quru hesablı qələbə qazanan 18-ci komanda kimi düşüb. Bu, texniki nəticələr nəzərə alınmamaqla ümumilikdə 29-cu belə startdır.
“Neftçi” hamıdan çox – 5 mövsümdə ilk iki oyunda qol buraxmadan qalib gəlib. “Qarabağ” 4, “Bakı” 3, Sumqayıt “Xəzər”i və “Xəzər Lənkəran” hərəyə 2, digər komandalar isə bir mövsümdə belə uğurlu starta imza atıb.
Qeyd edək ki, cari mövsümdə daha bir komanda eyni göstəricini təkrarlaya bilər. İlk turda quru hesabla qələbə qazanan “Sabah”ın görüşü təxirə salındığı üçün bakılılar ikinci oyununa 3-cü turda çıxacaq.
