Topaz Premyer Liqasının V turunda “Rəvan”ı qəbul edən “Zirə” 2-1 hesablı qələbə qazandı.
Adil Şükürov (“Zirə”nin baş məşqçisi): "Əzmkar oyuna görə futbolçularımı təbrik edirəm. Oyundan oyuna irəliləyiş var. Bunun fonunda çatışmazlıqlarımız da mövcüddur ki, onu aradan qaldırmalıyıq. Oyun zamanı bizə dəstək olan azarkeşlərə minnətdaram. Matçın gedişində futbolçularım arasında mübahisə olmadı, sadəcə olaraq, biri-birini eşitmədilər.Çox qol vəziyyəti yaratsaq da, bunların yalnız ikisindən istifadə edə bildik. Düşünürəm ki, yaxşı futbol oynayıb, qələbə qazandıq. “Rəvan” da pis oynamadı. Düşünürəm ki, qısa zamanda “Rəvan” mübariz komanda kimi formalaşıb”.
Emin Quliyev (“Rəvan”ın baş məşqçisi): “İlk hissədə oyunçularımdan narazı qalsam da, ikinci hissəyə görə onlara təşəkkür edirəm. Müdafiədə problemlərimiz var, bunu həll etməliyik. Biz qolu rəqibə hədiyyə edirik. Hələlik, komandada hücumçu yoxdur, ona görə də məcburiyyətdən Fəridi oynadıram”.
