Bu gün Topaz Premyer Liqasında XXI tura start veriləcək.
Korner.az-ın məlumatına görə, bütün diqqətlər Zaqatalaya yönələcək. Burada ilk "altılıq"da öz yerini təmin etmiş "Simurq" hələ də, "altılıq" şanslarını davam etdirən "Bakı"nı sınağa çəkəcək. Əgər bugünkü qarşılaşmada "Bakı" "Simurq"a yenilərsə "altılıq" şansını tam itirməsə də, xeyli azaldacaq.
Əldə etdiyimiz məlumata görə, Zaqataladakı qarşılaşmada tərəflər sövdələşməyə gedərək "Xəzər Lənkəran"ı ofsayda salmağa çalışacaqlar. Qısacası cari mövsümdə səfərdə cəmi iki dəfə qələbə qazanan "Bakı" (onlardan biri "Turan"la oyun idi) öz meydanında keçirdiyi qarşılaşmalarda inamlı təsir bağışlayan və cəmi bir dəfə azarkeşlərini üzən "Simurq" səfərdinən xal və ən əsası xallarla dönəcək.Təbii ki, bu "jest" qarşılıqsız qalmayacaq. "Zolağlılar" ilk "altılıq"da "Simurq" və (ya) "İnter"i 6 xalla "qidalandıracaq". Buna görə də, Cənub klubu "Qəbələ" səfərində ən azı uduzmamalıdı. Əgər "Bakı" Zaqatala səfərindən 3 xalla qayıtsa o zaman paytaxt klubu "Xəzər Lənkəran" büdrəyəcəyi hal da, altıncı yerə yüksələcək. Bundan sonra isə "alatılıq" yolunda son oyun "Rəvan"a qarşı olacaq ki, "akı" həmin oyunda heç bir iddiası olmayan "Rəvan"ı rahatlıqla məğlub edər.
