Sabah Çempionlar Liqasının III təsnifat mərhələsi çərçivəsində “Qarabağ”ın rəqibi olan Avstriya “Zalsburq”unun baş məşqçisi Adolf Hütter oyundan öncə mətbuat konfransı keçirib.
Korner.az-ın məlumatına görə, təcrübəli mütəxəsis sabahkı matçla bağlı bunları dilə gətirib:
“Düşünürəm ki, stadionda 30 minə yaxın azarkeş olacaq. Biz buna hazırıq. “Qarabağ” yaxşı motivə olunmuş komandadı. Komanda olaraq yaxşı kollektivə qarşı mübarizə aparacağıq. Xüsusən də, Reynaldo çox yaxşı hücumçudu. Təbii ki, biz öz oyunumuzu oynayacağıq. “Qarabağ” azarkeşlərin təzyiqi altında olacaq”.
