Bu gün Topaz Premyer Liqasında növbəti turun oyunları keçirilib.
Korner.az-ın məlumatına görə, “Qəbələ” doğma meydanda “Neftçi”ni qəbul edib. Oyun 2-1 Bakı təmsilçisinin xeyirinə nəticələnib.
Oyundan sonra “Qəbələ” klubunun baş məşqçisi Yuri Syomin mətbuata açıqlamasında bunları dilə gətirib: “Bu cür gərgin oyunlarda bəsit səhvlərə çox yol veririk. Hesabda geri düşdükdən sonra isə oyunu bərabərləşdirməyə çalışırıq. Daha zəif komandalarla oyunlarda bu alınır, “Neftçi” və “Qarabağ” kimi güclü rəqiblərlə isə alınmır. Komandanın ikinci dövrədə zəif çıxış etməsində ümumi problemlər var. Turnir cədvəlində yüksək yerlərdəyik, yeni transferlərin komandaya uyğunlaşması üçün vaxt lazımdır. Möcüzə birdən baş vermir, səbrli olmaq lazımdır. Etibarımı itirmək kimi qorxum yoxdur. Komandanın keçən və bu mövsümdə hansı mövqelərdə olduğunu müqayisə edin. İrəliləyiş var, ya yox?”.