Topaz Premyer Liqasının 12-ci turuna “Qarabağ” – “Qəbələ” oyunu ilə yekun vuruldu.
Korner.az-ın məlumatına görə, azarkeşlərin 7 qol izlədiyi oyunda Ağdam təmsilçisi qalib gələrək turnir cədvəlində ilk pilləni ələ keçirdi (4:3).
Oyundan sonra “Qəbələ”nin rusiyalı baş məşqçisi Syomin maraqlı açıqlamalr verib: “Çox maraqlı oyun oldu, təəssüf ki, bizim xeyrimizə başa çatmadı. Müdafiədə çox səhvlər buraxdıq, rəqib bu səhvlərə görə bizi cəzalandırdı. İkinci hissədə komanda çox çalışdı, sona kimi mübarizə apardıq. Qələbə qazana bilmədiyimiz üçün üzülürəm. Təəssüf ki, oyuna az sayda azarkeş gəlmişdi. Bu oyun istənilən çempionatın bəzəyi ola bilərdi”.
