"Qalatasaray" klubunun prezidenti Ünal Aysal komandanın çalışdırıcısı Fatih Terimin öz postunda qalacağını bildirib.
Korner.az-ın Türkiyə mətbuatına istinadən verdiyi məlumata görə, yayılan söz-söhbətlər səbəbindən başqan açıqlama verməli olub.
Terimin milli komandaya görə klubdan ayrılacağı iddialarını Ünal Aysal təkzib edib. Başqan bildirib ki: "Bu xəbərlər doğru deyil "Qalatasaray"ı qarışdırmaq istəyən insanlar var. Bu insanların kimlər olduğunu nə məqsəd güddüklərini yaxşı bilirik."
Komandada heç bir problemin olmadığını söyləyən Aysal, "Futbolçuların əhval-ruhiyyəsi yüksəkdir. Hədəflərimiz uğrunda çalışırıq", – deyə əlavə edib.