Madridin "Atletiko" və Fransanın "Lans" klublarının formasının üzərində "Land of fire Azerbaijan" sözü "Bakı 2015" Avropa Oyunlarının loqosu ilə əvəzlənəcək.
Korner.az-ın Trend.az-a istinadən verdiyi məlumatına görə, gənclər və idman naziri Azad Rəhimov bu xəbəri, bu gün keçiriən mətbuat konfransında deyib.
O qeyd edib ki, hazırda Bakıda keçiriləcək Avropa Oyunlarının təbliğatı ilə bağlı plan hazırlanır: "Artıq " Land of fire Azerbaijan" yazısının yerində "Atletiko" Madrid klubunun formasında Avropa Oyunlarının loqosu yerləşdiriləcək".
Xatırladaq ki, 7-8 dekabr 2012-ci il tarixində Romada keçirilmiş 41-ci AOK Baş Assambleyasında, Avropanın 49 Milli Olimpiya komitəsi Azərbaycan Respublikasının paytaxtı Bakı şəhərini 2015-ci ildə keçiriləcək ilk Avropa Oyunlarını qəbul edən şəhər kimi gizli səsvermə yolu ilə, 84 faiz əksər səs çoxluğu ilə təsdiqləyib. Avropanın idman və mədəniyyət aləmi üçün tarixi hadisə hesab edilən I Avropa Oyunları 2015-in açılış mərasimi 2015-ci il iyunun 12-də, bağlanış mərasimi isə 2015-ci il 28 iyun tarixində keçiriləcək.
