Topaz Premyer Liqasının 2015/2016-cı illər mövsümünün ilk turu “Xəzər Lənkəran” üçün uğurlu alındı.
Korner.az-ın məlumatına görə, cənub təmsilçisi ilk oyunda “İnter”i 2-0 hesabı ilə üstələdi.
Oyundan sonra “Xəzər Lənkəran”ın baş məşqçisi Yunis Hüseynov bunları deyib:
“İlk növbədə futbol ictimaiyyətini yeni mövsüm münasibəti ilə təbrik edirəm. Bilirsiniz ki, heyətimizdə gənc oyunçuların sayı çoxdur. Problemlər olmasına baxmayaraq, rəqibi yaxşı analiz etmişdik. Gənc oyunçular özlərini yaxşı tərəfdən göstərə bildilər. Qarşıda bizi çətin oyunlar gözləyir. Həmin görüşlərə hazırlaşmalıyıq”.