Topaz Premyer Liqasının II turunda keçirilən “Sumqayıt” – “Xəzər Lənkəran” görüşündə qalib müəyyənləşmədi.
Korner.az-ın məlumatına görə, “Kapital Bank Arena”da keçirilən oyun 1-1 hesabı ilə başa çatdı.
“Xəzər Lənkəran”ın baş məşqçisi Yunis Hüseynov oyundan sonra bunları deyib:
“Oyun ağır keçdi. “Xəzər Lənkəran” və “Sumqayıt” komandalarının görüşü həmişə çətin alınır. Biz qalib gəlmək istəyirdik və bunun üçün imkanlarımız da vardı. Futbolçular döyüşdülər və mən komandamdan razı qaldım. Çatışmazlıqlar təcrübəsizlikdən qaynaqlanır. Qarşıda bizi “Rəvan”la ağır oyun gözləyir. Gənclər mübarizə aparırlar, amma onlardan hələ ki, tam razı deyiləm. Öz üzərlərində işləməlidirlər”.