Hərbçilər arasında Bakıda keçirilən dünya çempionatına vurduğu qolla rəng qatan, "Bakı"nın və milli komandamızın üzvü Şəhriyar Əliyev saytımıza müsahibə verib. Ölkə kubokunun finalında "İnter"in qapısına vurduğu fantastik qolla diqqətləri üzərinə çəkən gənc və perespektivli futbolçu Kanada ilə oyunda gözəl qola imza atdı. Stabil çıxışı ilə bir çox futbolçulardan seçilən Şəhriyar Əliyev Korner.az-a müsahibəsində bir çox məqamlara toxundu.
– Kanada üzərində qələbə qazanaraq 2 oyunda maksimum xal toplayaraq qrup liderliyini davam etdirirsiz. Son turda İraq millisi ilə qarşılaşacaqsınız. Digər iki və qarşıdakı İraq oyunu haqda fikirlərini bilmək istəyərdim.
İlk iki oyunda qələbə qazanaraq 1/4 final mərhələsini təmin etmişik. Son turda rəqib İraqdı və biz yenidən qalib gəlib qrupu lider kimi bitirmək istəyirik. İraqı məğlub edərək yolumuza davam edəcəyimizə inanıram.
– Ümumiyyətlə bu turniri nə dərəcə ciddiyə alırsız?
Turnir ilk dəfədir ki, keçirilir və biz ölkəmizdə keçirilən bu yarışda tarix yazmaq istəyirik. İnşallah hədəfimizə çatarıq.
– İraq Kanadanın qapısına 7 qol vurmuşdu və millinin baş məşqçisi Nazim Süleymanov futbolçuların rahatlaşmasından qorxurdu. Demək olar ki, belə də oldu.
Düzdü, uşaqlar rahat çıxmışdılar meydana. Lakin ilk hissədən sonra uşaqlar toparlandı və lazım olan qolları vurub, qələbə qazandıq. Az qala 3 xalımızı pişik aparırdı (gülür).
– Millinin ikinci qolunu sən vurdun. Kanadanın qapısına belə gözəl qol vuracağını gözləyirdinmi?
Ən əsası odur ki, millinin qələbəsində rolum oldu.
– Azərbaycan kubokunda "İnter"in qapısına, dünən isə Kanadanın qapısına vurduğun gözəl qollar. Demək olar ki, artıq azarkeşlər sənin timsalında bu cür qolları tez-tez izləyirlər.
"İnter"in qapısına standart vəziyyətdən qol vurdum. Əgər müdafiəçi hücuma qoşulursa məqsədi qol vurmaqdı. Kanadaya qol vuracağıma inanırdım. Çünki yaxın dostlarım mənə demişdilər ki, səndən qol gözləyirik və inanırıq. Azarkeşləri sevindirdiyimə görə xoşbəxtəm.
– Gən futbolçularımız bir-iki oyun yaxşı oynadıqda və tərif eşitdik də "ulduz xəstəli"yinə tutulurlar. Səncə sən də belə alınmaz?
Mən heç kimin yerindən danışa bilmərəm. Ancaq mən özümə və oyunuma ciddi yanaşıram. Əgər belə bir şey olsa ilk növbədə valideyinlərim məni cəzalandıracaq. "Ağac nə qədər bar verərsə başını aşağı salar" (gülür)
– Turnirdə hansı yığmanı özünüzə ciddi rəqib sayırsız?
İraq və Fransa ciddi rəqiblərdi.
Sonda futbolçunun "İnter" və Kanadanın qapısına vurduğu gözəl qolları təqdim edirik.
