Azərbaycan kuboku uğrunda yarımfinal mərhələsinin ilk qarşılaşmasında “Xəzər Lənkəran”ı qəbul edəcək “Bakı” bu məsuliyyətli oyuna hazırlıqlarını bu gün keçirdiyi məşqlə başa vurub.
Korner.az-ın klubun saytına istinadən yaydığı məlumata görə, komandanın təlim-məşq bazasının stadionunda baş tutan məşqə tam heyətlə qatılan futbolçular, əsasən, taktiki çalışmalar üzərində işləyiblər.
“Zolaqlılar”ın baş məşqçisi Bojidar Bandoviçin rəhbərliyi altında iki qrupa bölünən komanda son məşqi ruh yüksəkliyi ilə başa vuraraq oyunun başlama saatını gözləyir.
Yüngül zədəsi olan Xaviyer Juniorun sıraya qayıtması yaxşı xəbərlər arasındadır. Eyni zamanda Uinston Parksın da bərpa dövrünü başa vurmaqda olduğunu əlavə edək. Parks gələn həftədən etibarən topla məşğələlərə başlayacaq.
Qeyd edək ki, Azərbaycan kuboku uğrunda yarımfinal mərhələsinin “Bakı” – “Xəzər Lənkəran” oyunu 17 aprel 2013-cü il tarixdə saat 16.00-da başlanacaq. Matç “Bakı”nin bazasında baş tutacaq.
