“Barselona” klubunun yarımmüdafiəçisi Xavi rəhbərliyin Lionel Messini komandadan buraxmaq fikrində olmadığını bəyan edib.
Korner.az-ın məlumatına görə, Xavi argentinalı hücumçunun Kataloniya klubuna sadiq olduğunu vurğulayıb.
Xavi qeyd edib ki, kimin ən yaxşı futbolçu olduğu ilə bağlı mübahisələr həmişə olub və bundan sonra da olacaq: “Bununla bağlı fərqli fikirlər olacaq. “Mançester Siti” də, digər klublar da Messini əldə etməyə çalışacaqlar. Amma elə bir qiymət yoxdur ki, “Barsa” onun müqabilində Messini buraxsın. Biz hamımız Lionelin klubumuza necə yanaşdığını bilirik”.