Xəbər verdiyimiz kimi, Topaz Premyer Liqasının XXIII turu çərçivəsində keçirilmiş "Neftçi"- "Qarabağ" görüşündən əvvəl ikincilər AFFA-ya göndərdiyi müraciətdə oyuna təyinat almış baş hakim Əliyar Ağayevin dəyişdirilməsi təklifini irəli sürmüşdü..
Məsələ ilə bağlı Korner.az saytına açıqlama verən Hakimlər Komitəsi sədri Xaqani Məmmədov bunları deyib: " Mən bununla bağlı bir neçə KİV-ə də açıqlama vermişəm. Hakim dəyişdirilmədi ki? Belə məsələlər klubların şəxsi istəklərinə görə müəyyən olunmur. Həm də ciddi səbəb olmadan niyə dəyişdirilməlidi axı? Gördüyünüz kimi hər şey də əla oldu. Biz hər zaman öz kadrlarımızın arxasında dayanmışıq"
