“Napoli”nin qapıçısı Toni Doblas bildirib ki, “Xəzər Lənkəran”ın düşərgəsinə keçərkən, ölkəmizdə onu aldadıblar.
Korner.az-ın məlumatına görə, bu barədə İspaniya mətbuatına danışan 33 yaşlı qolkiper bunları dilə gətiriblər:
“Azərbaycandan əla təklif gəlsə də, məni aldatdılar. Mənə dedilər ki, bu klub “Çelsi”nin yerli analoqudu. Ancaq əməkhaqqının verilməsində problemlər ortaya çıxdı. Artıq bütün bunlar əhəmiyyət kəsb etmir”.
Con Toşak tərəfindən ötən ilin yanvarında “Xəzər Lənkəran”a gətirilən, ancaq Avroliqada Hayfa “Makkabi”sinə 0:8 hesablı yenilgidə günahkar bilinərək komandadan qovulan Toni Doblas bu yaxınlarda “Napoli” ilə müqavilə imzalamışdı.