Təlim-məşq toplantısını Avstriyada keçən “Neftçi” növbəti yoxlama matçına çıxıb.
Korner.az-ın məlumatına görə, paytaxt klubu İsrailin “Makkabi” (Hayfa) klubu ilə qarşılaşıb.
Oyun israillilərin qələbəsi ilə yekunlaşıb – 0:3.
Fasiləyə 0:1 hesabı ilə məğlub yollanan son Azərbaycan çempionu ikinci hissədə daha iki top buraxıb – 0:3.
Qeyd edək ki, “Makkabi” Avropa Liqasının II təsnifat mərhələsində “Xəzər Lənkəran”ın potensial rəqibidir. Belə ki, Con Toşakın komandası “Slima” (Malta) səddini keçəcəyi təqdirdə növbəti mərhələdə məhz “Makkabi” ilə üz-üzə gələcək.