"Xəzər Lənkəran"ın futbolçusu Kazım Kazımlının Korner.az saytına müsahibəsi.
– İlk öncə təlim-məşq toplanışı haqda məlumat verərdin. Hazırlıq mərhələsi necə keçir?
Antalya toplanışı yaxşı keçdi. Demək olar ki, "Xəzər Lənkəran" çempionatın qalan oyunlarına tam hazırdı.
– Antalyada keçirdiyiniz yoxlama matçlarında heç də yaxşı oyun nümayiş etdirmirdiz. İndiki vəziyyətdə "Xəzər Lənkəran"ı Premyer Liqanın ikinci yarısına hazır saymaq olarmı?
Biz daha çox fiziki məşqlərə üstünlük veriridik. Bizə məğlub olduğumuz və ya qələbə qazandığımız oyunlar o qədər də, önəmli deyil. Əsas məqsədimiz çempionat opyunlarıdı. Fikirimcə komanda bu oyunlara tam hazırdı.
– Antalya toplanışında özünü yaxşı tərəfdən göstərə bildinmi? Ümumiyyətlə özünü qarşıdakı oyunlara hazır sayırsanmı?
Mənim hansı formada olduğumu, necə çalışdığımı kənardan baxan bilər. Ancaq fikirimcə yaxşı tərəfdən göstərə bildim və Premyer Liqa oyunlarına özümü tam hazır sayıram.
– Yeni transferlər haqda nə deyə bilərsən?
Mənə elə gəlir ki, komandaya qoşulan yeni oyunçular "Xəzər Lənkəran"a yetərincə kömək edə bilərlər.
– Yeni transferlərdən hansının oyunu sənin diqqətini çəkdi?
Hamısı yaşı futbolçulardı. Ancaq Toni Doblas, Alvaro Linares və Uğur Pamuku xüsusi qeyd edərdim.
– Marin Orsuliç və Gökhan Güləçin adını çəkmədin. Komanda yoldaşın Elnur Allahverdiyev də, Güləçdən nə isə gözləmədiyini bildirib. Bu fikirlə razısanmı?
Gökhan Güleç təcrübəli futbolçudu. Tanınmış klublarda çıxış edib. Sadəcə bir az məşqsizdi. Ona görə özünü tam göstərə bilmir. İnşallah bu da düzələr.
– Qarşıda 4 vacib Premyer Liqa oyununuz var. Bu oyunlardan nə gözləyirsiz?
Biz bu oyunların nə qədər vacib olduğunu anlayırıq. Bu oyunlarda 10 xal qazanmağı hədəfləyirik. İlk məqsədimiz "altılıq", daha sonra isə çempionluqdu.
– Birdən "Xəzər Lənkəran" ilk "altılıq"dan kənarda qalsa…
Allah o günü bizə göstərməsin.
Səxavət QURBANOV
