.jpeg)
Topaz Premyer Liqasının IX turunda “Qəbələ” ilə 1:1 hesablı heç-heçə edən “Xəzər Lənkəran” mövsümdə ilk dəfə penalti vurdu.
Korner.az-ın klubun rəsmi saytına istinadən verdiyi məlumata görə, rəqib qapısına təyin olunan zərbəni dəqiq yerinə yetirən Roberto Alviz nəinki 2012/13 mövsümündə, ümumiyyətlə 2012-ci ildə komandaya verilən ilk şansı dəyərləndirdi.
Belə ki, “Xəzər Lənkəran” sonuncu dəfə ötən il 11 metrlik zərbə vurmaq imkanı qazanmışdı. Bu, ötən il dekabrın 21-də baş vermişdi. Premyer Liqanın XVIII turunun “Bakı” ilə oyununda Branimir Subaşiç dəqiq olmaqla 3:0 hesablı qələbənin təməlini ilk qolla qoymuşdu. “Xəzər Lənkəran” bu dəfəki penaltini 305 gün gözləməli olmuşdu.
Ümumilikdə isə “Xəzər Lənkəran” yarandığı gündən müxtəlif turnirlərdə 32 penalti zərbəsi vurub. Oyunsonrası penaltilər seriyaları nəzərə alınmamaqla hesablanan bu 32 zərbədən yalnız 4-ü dəqiq olmayıb. “Qəbələ” ilə oyuna təsadüf edən 32-ci penalti 28-ci qolun vurulması ilə nəticələnib. İlk dəfə belə imkan qazanan Alviz “Xəzər lənkəran”da penalti vuran 15-ci oyunçu oldu.
“Xəzər Lənkəran”ın penaltiləri
Futbolçu Penalti Qol
Zaur Ramazanov 8 7
İvan Tsvetkov 5 5
Oqtay Dərəlioğlu 4 4
Samir Əliyev 2 2
Mario Souza 2 1
Branimir Subaşiç 2 2
Mahmud Qurbanov 1 1
Bəxtiyar Musayev 1 1
Miroslav Saviç 1 0
Allan Lalin 1 0
Vyaçeslav Lıçkin 1 1
Roberto Alviz 1 1
Julius Vobay 1 1
Yakuba Bamba 1 1
Katalin Lita 1 1
15 futbolçu 32 28
