.jpg)
“Qarabağ”la Topaz Premyer Liqasının X turundakı oyun Dimitrios Sialmasın “Xəzər Lənkəran”da qol hesabını açması ilə əlamətdar oldu. Korner.az-ın klubun rəsmi saytına istinadən verdiyi məlumata görə, o, klub tarixində fərqlənən 75-ci oyunçudur. Komandanın çempionat matçlarında isə 69-cu futbolçudur ki, qol sevinci yaşayır.
Sialmas həmçinin “Xəzər Lənkəran” üçün qol vuran ilk yunanıstanlı legioner oldu. İndiyədək Lənkəran təmsilçisinin heyətində fərqlənən 27 yerli futbolçu ilə yanaşı, 48 əcnəbi də rəqib qapısına yol tapıb. Onlar 20 müxtəlif ölkəni təmsil edir. Bu siyahıda 20-ci ölkə məhz Yunanıstan oldu: Rumıniya 12, Braziliya 8, Bolqarıstan, Türkiyə hərəsi 4, Albaniya, Kosta Rika, Serbiya, Portuqaliya hərəsi 2, Argentina, Fransa, Honduras, Kolumbiya, Fil Dişi Sahili, Moldova, Mali, Nigeriya, Sloveniya, Syerra Leone, Xorvatiya, Yunanıstan hərəsi 1.
Dimitrios 1 deyil, 2 qola imza atdı. Bu, cari mövsüm komandanın 2-ci dublu oldu. Bunadək Manuel Skarlatake 1 matçda 2 qolla komandasını sevindirmişdi.
“Xəzər Lənkəran”ın 8 illik tarixində 63-cü dublun müəllifi olan Sialmas özü üçün ilkə imza atdı. O, “ağ-yaşıllar”da dubl edən 34-cü futbolçu kimi tarixə düşdü. Bu 63 dubldan 42-si Premyer Liqada, 18-i ölkə kuboku, 3-ü isə Birlik kubokunda qeydə alınıb. Yunanıstanlı dubl müəllifi olan 19-cu legioner olmaqla gəlmələrin 29-cu belə uğuruna imza atdı.
