Azərbaycan Premyer Liqasının XVI turunun hazırlığını davam etdirən “ Xəzər Lənkəran” məşqlərini Lənkərandakı bazasında keçirir.
Korner.az-ın klubun saytına istinadən yaydığı xəbərə görə, təqvim dəyişikliyi ilə əlaqədar növbəti turun AZAL ilə səfər matçını dekabrın 13-də keçirəcək komanda gündə bir dəfə olmaqla hazırlığı Lənkəranda keçirib dekabrın 12-də paytaxta yola düşəcək. Zədəli futbolçulardan İlyas Səfərzadə, Kazım Kazımlı və Elnur Cəfərovun müalicəsi klubun tibbi korpusunun nəzarəti altında davam etdirilir. Cəzalı duruma düşən İlyas Səfərzadə komandaya bu matçda kömək edə bilməsə də cəzasi bitən Elşən Rzazadə AZAL ilə oyunda heyətdə öz yerini tuta biləcək.
