Vladislav Qədirovun “Rəvan”a dönüşü rəsmiləşib.
Korner.az-ın məlumatına görə, 43 yaşlı mütəxəssis yenidən paytaxt klubunda çalışacaq.
Qədirov müxtəlif vaxtlarda baş məşqçisi olduğu “Rəvan”da yeni vəzifəyə təyin edilib. O, klubun Müşahidə Şurasında veteran futbolçu qismində təmsil olunacaq.
Qeyd edək ki, Topaz Premyer Liqasında cari mövsümün II turundan sonra “Rəvan”ın baş məşqçisi postunda Ramil Əliyevi əvəzləyən Qədirovun paytaxt klubuna 3-cü dönüşü də uğursuz olmuşdu. O, 7 turdan sonra Şahin Diniyevlə əvəzlənmiş, millimizin sabiq çalışdırıcısı isə qış fasiləsində “sükan”ı türkiyəli Güvənç Kurtara vermişdi.