Çempionlar Liqasının II təsnifat mərhələsində “Qarabağ”ın rəqibi olan Maltanın “Valletta” klubunun çalışdırıcısı Qilbert Aqius püşkün nəticəsini dəyərləndirib.
Korner.az-ın məlumatına görə, 40 yaşlı mütəxəssis “Qarabağ”ın onlar üçün çətin rəqib olduğunu bildirib:
“Qarabağ” bizim üçün çətin rəqibdir. Azərbaycan futbolunu izləyirdim. Çünki bütün potensial rəqiblərimiz haqda ümumi məlumat toplamaq bir məşqçi kimi mənim borcumdur. Azərbaycanda futbol sürətlə inkişaf edir və bu sahəyə böyük investisiya qoyulur”.
