Avropa Liqası II təsnifat mərhələsinin cavab matçında “Neftçi” “Şkendiya” ilə səfərdə qarşılaşacaq (İlk oyun: 0:0).
Korner.az-ın məlumatına, Bakı vaxtı ilə 22:00-da başlayacaq oyun “CBC İnt”dan birbaşa yayımlanacaq. Oyunöncəsi mətbuat komnfransında Vəli Qasımov ehtiyatlı danışdı:
“Neftçi” güclü komandaya qarşı oynayacaq. Onlarda güclü oyunçular var. Bəziləri Avropa səviyyəsindədi. Ancaq biz Bakıdan bura gəlmişik ki, bu mərhələni keçək”.
– Mərhələni keçməsi üçün “Neftçi”də nə çatır, nə çatmır?
– Çatışmazlıq daha çoxdur. Hücumçu istəyirdik, ancaq alınmadı. Kollektiv balacadı. Ehtiyat skamya çox qısadı. Heyətdə təcrübəsizlər, gənclər çoxluq təşkil edir.
– “Neftçi”nin vəziyyəti fiziki əhətdən o qədər yaxşı deyil…
– Razı deyiləm bu fikirlə. İlk oyunda göründü ki, “Neftçi”nin fiziki durumu yüksək səviyyədədir. Xüsusən, ilk hissədə üstün futbol oynadıq.
– Ötən oyundan sonra bildirmişdiz ki, rəqibin zəif yerləri var, bunları müəyyənləşdirmişik. Sabah bu cəhətlərin hansı tərəfindən istifadə edərsiz?
– Zəif komanda deyil, nisbətən müdafiədə boşluqlar var. Biz bundan istifadə eləməyə çalışacağıq. Əsas hədəfimiz bu olacaq ki, öz oyunumuzu oynayaq. Müəyyən oyunçularımızın üstünə yük daha çox düşəcək. Bunun öhdəsindən lazımınca gəlsək, düşünürəm ki, qəlbəbə qazanarıq. Baxmayaraq ki, rəqibin heyətində Avropa səviyyəli futbolçular var və bizimçün bu iş heç də asan olmayacaq.
– Səhər rəqibin baş məşqçisi sanki ehtiyatlı danışırdı. Deyilənlərdən elə hiss olunurdu ki, müdafiədə oynayacaqlar. Siz nə üslubu planlayırsız?
– Biz ümumiyyətlə, ölkə çempionatının son turlarında 5 müdafiəçi ilə oynayırdıq. Bunun da obyektiv, subyektiv səbəbləri var idi. Ancaq indi vəziyyət həminki deyil və düşünmürəm ki, sabah “Neftçi” beşli müdafiə ilə oynayacaq.
– İlk oyundakı nəticəyə əsasən deyə bilərikmi “Şkendiya” favoritdir?
– Mən mediada oxuyuram ki, matçın favoriti “Neftçi”di. Başa düşmürəm, niyə belə düşünürlər. Mənə görə şanslar əlli-əlliyədi.
– Heyətdə dəyişikliklər varmı?
– Elə bir ciddi dəyişiklik yoxdu.
– İlk oyunda Rəhman Haciyevin faydalı ötürmələr verə bilməməsindən şikayətlər vardı. Bu dəfə start heyətdə oynadacaqsızmı?
– Məncə Rəhan ona tapşırılan mövqedə yaxşı oynayır. Hücum mövqeyində faydalıdır. Onu heyətdən kənarlaşdırmağa elə bir səbəb görmürəm.
