UEFA prezidentindən Azərbaycana xəbərdarlıq

UEFA prezidenti Mişel Platini MDB çempionatında iştirak etmək istəyən ölkələrə mesaj göndərib.

Korner.az-ın məlumatına görə, Platini bununla bağlı belə deyib:

"Çempionatlarını birləşdirmək arzusunda olan ölkələr Çempionlar Liqasından kənarda qala biləcəklərinə hazır olmalıdırlar. “Biz bu mövzunu müzakirə etdik. Deməliyəm ki, reaksiya tam birmənalı deyil. Neqativ münasibət pozitiv yanaşmanı üstələyir. Orada bir sıra qıcıqlandırıcı problem var. Bir neçə liqa birləşsə, qanunvericiliklə bağlı məsələlər: təhlükəsizlik, vergi və digər normativlər ortaya çıxacaq. Beləliklə, biz ilk növbədə əmin olmalıyıq ki, onların hamısı buna siyasi cəhətdən hazırdırlar".

Bundan əlavə həmin çempionatdan cəmi bir klub, ilk yeri tutan Çempionlar Liqasında mübarizə apara bilər.

Platininin xəbərdarlığı Azərbaycan Premyer Liqasına da aiddir. UEFA başkanının açıqlamasına əsasən 2012-2013-cü il mövsümündə Azərbaycan çempionu “Neftçi” Avropa Liqasının qrup mərhələsinə düşüb, amma MDB çempionatında iştirak edəcəyi halda, flaqmanın nəinki mükafatçılar sırasına düşməsi, hətta Avropa Liqasına vəsiqə qazanması çətinləşəcək.

Qeyd edək ki, MDB çempionatı layihəsi 2014-2015-ci il mövsümündən qüvvəyə minə bilər.