UEFA gələn ay futbolun hər zaman müzakirə və mübahisə mövzusu olan topun qapı xəttini keçib-keçmədiyini müəyyənləşdirmək üçün texnologiyadan istifadə məsələsini birdəfəlik həll etmək istəyir.
Korner.az-ın məlumatına görə, Avropanın ali futbol qurumunun baş katibi Canni İnfantino İcraiyyə Komitəsinin Parisdə keçirilmiş iclasında çıxışı zamanı deyib ki, bununla bağlı yekun qərar yanvarın 25-26-da Nyonda təşkil olunacaq toplantıda veriləcək.
“Biz bu məsələni Hakimlər Komitəsində müzakirə etmişik. Ancaq son qərarı yanvarda verəcəyik. Bir neçə variant var, birini qəbul edəcəyik. Topun qapı xəttini keçib-keçmədiyini müəyyənləşdirən texnologiyadan artıq 4 ölkə istifadə edir, 20-30 komanda bu tüxnologiya ilə tanışdır”, – deyə İnfantino bildirib.