Azərbaycanlı FİFA hakimi Anar Salmanov yeni təyinat alıb.
Korner.az-ın məlumatına görə, 33 yaşlı həmyerlimiz Avropa Liqasının II təsnifat mərhələsinin cavab oyunları çərçivəsində “Mladost Podgorica” (Monteneqro) – “Videoton” (Macarıstan) cütünün qalibi ilə Slovakiyanın “Senitsa” komandası arasında iyulun 25-də keçiriləcək matçının baş hakimi olacaq. Ona Yaşar Abbasov və Namiq Hüseynov kömək edəcəklər. 4-cü hakim funksiyasını Orxan Məmmədov yerinə yetirəcək.
Qeyd edək ki, Salmanov ötən mövsümün sonunda Azərbaycan kuboku uğrunda “Neftçi” ilə “Qarabağ” arasında ilk yarımfinal oyununda buraxdığı səhvdən sonra cəzalandığından kənarda qalmışdı.