Bu gün Avstriyanın paytaxtı Vyana şəhərində UEFA-nın Konqresi keçiriləcək.
Korner.az-ın məlumatına görə, iclasında gündəliyinə UEFA prezidentinin və İcraiyyə Komitəsi üzvlərinin seçkisi daxildir.
UEFA-nın hazırkı prezidenti Mişel Platininin alternativi olmadığı üçün o, yenidən qitənin futbol qurumunun rəhbəri seçiləcək.
Konqresdə Mişel Platinin hesabat xarakterli çıxışı olacaq.
Xatırladaq ki, Platini 2007-ci ildən UEFA-ya rəhbərlik edir. O, 2011-ci ildə keçirilən seçkidən ikinci müddətə qurumun prezidenti seçilib. Bu gün isə üçüncü dəfə UEFA-nın prezidenti olacaq.
