Bu gecə Çempionlar Liqasının ¼ final mərhələsi çərçivəsində keçirilmiş “Real” – “Qalatasaray” qarşılaşması Türkiyə telekanalları vasitəsilə yayımlanmadığından, qardaş ölkədə çarəni AzTV-də axtarıblar.
Korner.az-ın Türkiyə mətbuatına istinadən məlumatına görə, AzTV-nin oyun zamanı peyk vasitəsilə yayımı şifrələndiyindən, türk qardaşlarımız iPod və iPhone vasitəsilə problemi çözüblər.
İnternetdə AzTV-nin canlı yayımını təqdim edən tətbiqetmələr (“uygulamalar”) endirilmə sayına görə rekord həddə çatıb. Belə ki, dünən gecə AzTV-nin uyğulamaları AppStore-da ən çox endirilən 25 tətbiqetmə arasında yer alıb.