Türkiyə superliqasında 27-ci turun oyunları bir həftəliyinə təxirə salınıb.
Korner.az-ın məlumatına görə, bu barədə qərar Türkiyə Futbol Federasiyasının və klub rəhbərlərinin bu gün keçirilən zirvə toplantısında qəbul olunub.
Toplantıda Türkiyə millisinin baş məşqçisi Fatih Terim də iştirak edib.
Superliqanın oyunlarının təxirə salınmasına səbəb ötən turda “Rizəspor” – “Fənərbaxça” matçından (1:5) sonra qonaq komandanı daşıyan avtobusun silahlı basqına məruz qalması səbəb olub.
Federasiya baş verən hadisədən sonra “Fənərbaxça”nın kubokda “Mersin” və superliqada “Bursaspor”la keçirəcəyi görüşlərin təxirə salındığını açıqlayıb. Bu gün isə TFF superliqa oyunlarının bir həftəliyinə təxirə salındığını bəyan edib.
