İran çempionatında XXIV turun oyunları keçirilib.
Korner.az-ın məlumatına görə, “Traktorsazi” bu turda “Malavan”ın qonağı olub.
Oyun 1:1 hesabı ilə başa çatıb. Hesabı 29-cu dəqiqədə meydan sahibləri açıb. “Traktorsazi” isə 50-ci dəqiqədə bərabərliyi təmin edib. “Malavan”ın qapısına Kərim Ansarifard yol tapıb.
Qeyd edək ki, “Traktorsazi” 24 turda 38 xal toplayıb və turnir cədvəlinin 6-cı pilləsində qərarlaşıb. Təbriz klubu ilk iki pillədən 8, üçüncü yerdən isə 6 xal geri qalır.