“Milan”ın yeni baş məşqçisi Klarens Zeedorf heyətdə “təmizləmə” əməliyyatına start verib.
Korner.az-ın məlumatına görə, artıq onun klubdan göndərdiyi ilk futbolçunun adı da məlumdu.
Söhbət Antonio Noçerinodan gedir. İtaliyalı karyerasını İngiltərədə davam etdirəcək. Futbolçu Premyer Liqa klubu “Vest Hem”ə icarəyə göndərilib. 31 yaşlı yarımmüdafiəçi mövsümün sonuna qədər London təmsilçisində icarə əsasında çıxış edəcək.