TPL V tur: Oyunları neçə azarkeş izləyib?
24.09.2018 , 11:02
Topaz Premyer Liqasında V tur oyunlarını stadiondan izləmiş azarkeş sayı bəlli olub.
Ən yüksək göstərici “Qarabağ”ın “Qəbələ”ni 4:1 hesabı ilə məğlub etdiyi bağlanış oyununda qeydə alınıb. “Azersun Arena”da keçirilmiş mərkəzi matçda 2300 nəfər tribunada olub.
Ən az izləyici isə “Keşlə” – “Sumqayıt” (1:2) görüşündə qeydə alınıb. Bu qarşılaşmanı cəmi 400 nəfər izləyib.
Lider “Neftçi”nin səfərdə “Zirə”ni məğlub etdiyi (2:1) oyunda 600, “Səbail”lə “Sabah”ın qolsuz heç-heçəyə razılaşdığı matçda isə 1000 tamaşaçı qeydə alınıb.
Turun 4 oyununu ümumilikdə 4300 nəfər izləyib. Bu da hər görüş üçün orta hesabla 1075 azarkeş deməkdi.