1992-ci ildə Vidadi Əhmədovun “Turan”ı himayəyə götürülməsi ilə yanaşı SSRİ dövründə Azərbaycanda öncüllərdən olan Tovuz futbolunda yenidən canlanma yaşandı.
Yarandığı ilk mövsümdəncə iddialılar sırasında yer alan “Turan” ilk 4 mövsümü medallarla başa vurmaqla yanaşı bir çox ilklərə də imza atmışdı. Bütün bunların hamısında Vidadi Əhmədovun əməyi danılmazdır. Şəxsi büdcəsindən klubu maliyələşdirmkəklə bərabər stadionda infrastrukturun qurulmasını da təmin edirdi. Şəhər stadionunu yenidən qurulması ərazidə ikimərtəbəli inzibati bina və bazanın tikilməsi də məhz Əhmədovun şəxsi vəsaiti hesabına həyata keçirilib.
Vidadi Əhmədovun göstərişi ilə stadionda quraşdırılan bir abidə var idi ki, bütün tovuzlular üçün bir anım yerinə çevrilmişdi. Söhbət 1946-cı ildə avtomobil qəzasında həlak olmuş futbolçuların xatirəsinə ucaldılan abidədən gedir. Vidadi Əhmədov klubun başında olduğu dövrdə stadionda yer alan abidə nədənsə 2004-cü ildə oradan götürüldü. Səbəb məlum deyil. Bəlkədə tarixi silmək imiş məqsəd . Tribunalara “2004” yazısını həkk etmək kimi. Qeyd olunduğu kimi 2004-cü ildə Tovuz futboluna yeni nəfəs gəldi. Stadion müasir standarlara uyğun təmir edildi tribunanın üstü ötrüldü, baza və inzibati bina yeniləndi. Lakin həlak olmuş futbolçuların xatirəsi və Vidadi Əhmədovun əməyi buldozerin önündə məhv edildi. Bəlkədə o dövrdə komandanın iddialı olması, komandada kifayət qədər ulduz futbolçunun Naci Şensoy kimi tanınmış məşqçinin gətirilməsi tovuzluların diqqətini meydançaya yönəltmişdi. O abidə diqqətdən kənarda qalmışdı, onun oradan götürülməsi də nəzərə çarpmırdı.
Artıq bu “səhv” düzəlidilib. “Turan-T” İK-nın prezidenti Namiq Məstanovun təşəbbüsü ilə həmin abidə yenidən bərpa olunaraq həmənki yerində yenidən quraşdırılıb. Daha əzəmətli görünürüşü ilə. Dünən o abidənin açılışı oldu. Abidənin açılışını isə məhz həmin Əhmədov etdi. Bəli, Vidadi Əhmədov Azərbaycan futbolunun tarixinə adını qızıl hərflərlə yazdırmış insan. Qəhramanlar unudlmur, adı tarixdən silinmək istənsə belə…
