“Real”ın futbolçusu Kriştiano Ronaldo La Liqada “Barselona”ya 3:4 hesabı ilə məğlub olduqları matçdan sonra görüşün hakimləri haqda sərt fikirlər səsləndirib.
Korner.az-ın İspaniya mətbuatına istinadən yaydığı görə, portuqaliyalı hücumçu deyib ki, “Barselona”nı çempion etmək üçün hakimlər Madrid klubunun əleyhinə qərarlar veriblər:
“Məğlubiyyət üçün bir bəhanə tapmaq istəmirəm. Amma onu deməliyəm ki, görüşün hakimləri bu cür qarşılaşmaları idarə edəcək səviyyədə deyirlər. Bu gün “Barselona” məğlub olsaydı, çempionluq mübarizəsindən uzaqlaşacaqdı. Burada oynadığım beş ildən sonra hər şeyi anladım. Qalib gəlmək üçün bizə imkan vermədilər”.
Qeyd edək ki, sözügedən qarşılaşmada hakim Madrid klubunun futbolçusu Serxio Ramosa qırmızı vərəqə göstərib və “Real”ın qapısına iki penalti təyin edib.
