Bu gün Topaz Premyer Liqada 22-ci turun oyunları keçirilib.
Korner.az-ın məlumatına görə, turun bütün qarşılaşmaları eyni gündə baş tutub.
Günün ilk oyunu paytaxtda gerçəkləşib. Son iki turda məğlub olan "Qəbələ" səfərdə AZAL-ın qonağı olub.
"Neftçi" öz meydanında "İnter"i qəbul edib. Komandaların turnir cədvəlindəki mövqeyi baxımından bu qarşılaşmaya da maraq böyük olub. Belə ki, "İnter" qalib gələcəyi təqdirdə "Neftçi" ilə xallarını bərabərləşdirə bilərdi.
Daha bir matç Zaqatalada keçirilib. Burada yerli "Simurq" komandası "Sumqayıt"ı qəbul edib.
Əyalətdə baş tutacaq digər maraqlı oyun "Xəzər Lənkəran" – "Bakı" matçı olub. Qış fasiləsindən sonra inamlı təsir bağışlayan bu komandaların da oyununa maraq az deyildi.
"Qarabağ" isə səfərdə "Rəvan"ın qonağı olub. Məlumat üçün qeyd edək ki, "Rəvan" yarandığı gündən Ağdam klubuna qalib gələ bilməyib. Həmçinin "Rəvan" bu mövsüm "Qarabağ"ın qalib gələ bilmədiyi iki klubdan biri idi.
19 fevral (çərşənbə)
15:00.AZAL – “Qəbələ” 1:2
Qol: Nedo Turkoviç, 39; // Danil Subotiç, 44; Şəhriyar Rəhimov, 71
AZAL Arena stadionu
16:00.“Neftçi” – “İnter” 2:2
Qol: Yohan Bokonyano, 29; Laşa Salukvadze,81 // Araz Abdullayev(p) 79; Ruslan Qurbanov, 86
Bakcell Arena stadionu
16:00.“Simurq” – “Sumqayıt” 4:0
Qol: Draqan Çeran(p), 15;51 İdan Vaytzman, 22; Salif Ballo, 90+2
Zaqatala şəhər stadionu
17:00.“Rəvan” – “Qarabağ” 0:2
Qol: Leroy Corc, 61;68
Bayıl Arena stadionu
17:00.“Xəzər Lənkəran” – “Bakı” 0:2
Qol: Yure Travner, 70; Rauf Əliyev, 90
Lənkəran şəhər mərkəzi stadionu