Azərbaycan teleməkanında qısa zamanda populyarlıq qazanan “TOP TOP” verilişi növbəti buraxılışı ilə tamaşaçıların görüşünə gəlib.
Korner.az-ın məlumatına görə, “TOP TOP”un bu sayı da Azərbaycan və dünya futbolunda baş verən ən maraqlı futbol hadisələrinə həsr olunub.
Proqramın bu dəfəki qonaqları “Sumqayıt” komandasının baş məşqçisi Aqil Məmmədov, U-19 milli komandamızın keçmiş məşqçisi Arif Əsədov, “Publika.az” saytı və “Komanda” qəzetinin əməkdaşı Natiq Muxtarlı və daimi ekspert Elnur Əşrəfoğlu olub. “TOP TOP”da Azərbaycan futbolunun hazırki durumu müzakirə edilib, Premyer Liqanın oyunları barədə söhbət açılıb. Həmçinin futbol həvəskarlarının canlı yayımda göndərdikləri bütün suallar da cavablandırılıb. Bir sözlə teleməkanda az müddətdə populyarlıq qazanan futbol proqramını izləməyə dəyər. “Top-top”un videoyazısını sizə təqdim edirik:
