Azərbaycan teleməkanının populyar futbol proqramlarından olan “TOP TOP”un növbəti buraxılışı efirə gedib.
Korner.az-ın məlumatına görə, verilişin aparıcısı Elçin Cəfərovun budəfəki qonaqları beynəlxalq dərəcəli hakim Anar Salmanov, “Qafqazinfo.az” saytının idman yazarı Elsevər Məmmədov olub.
“TOP TOP”da Azərbaycan Premyer liqa oyunlarından və bu matçlarda baş verən hakim səhvlərindən danışılıb. Anar Salmanov AFFA Hakimlər Komitəsinin rəhbəri Xaqani Məmmədovun və bir neçə hakimin ünvanına sərt fikirlər səsləndirib. Həm Anar Salmanov, həm də Elsevər Məmmədov “TOP TOP” verilişində bir neçə şok fakt açıqlayıb.
Qeyd edək ki, “TOP TOP” verilişi hər həftə “CHATBOX” kanalında canlı yayımlanır. “CHATBOX” kanalını KATV kabel televiziyası şəbəkəsində və myvideo.az saytında izləmək olar. Proqramın avqustun 25-də efirə gedən buraxılışının videoyazısını təqdim edirik.