Azərbaycan teleməkanında yeni futbol proqramı “TOP TOP” növbəti buraxılışı ilə tamaşaçıların görüşünə gəlib.
Korner.az-ın məlumatına görə, hər həftənin bazar ertəsi CHATBOX kanalında canlı yayımlanan “TOP TOP”un bu sayı da Azərbaycan və dünya futbolunda baş verən ən maraqlı futbol hadisələrinə həsr olunub. Proqramın bu dəfəki qonaqları Azərbaycan futbolunun canlı əfsanəsi, milli komandamızın məşqçisi Mahmud Qurbanov, stadium.az saytının baş redaktoru Vüsal Gözəlov, azarkeş Firudin Rzayev və daimi ekspert Elnur Əşrəfoğlu olub. “TOP TOP”da Azərbaycan futbolunun hazırki durumu müzakirə edilib, Premyer Liqanın oyunları barədə söhbət açılıb. “Qarabağ”ın super oyunundan, “Neftçi”nin özünə gəlməsindən və ölkəmizdə olan iki türk məşqçinin duelindən danışılıb. Milli komandamızın Filippinlə görüşü və AFFA İcraiyyə Komitəsinin son qəbul etdiyi qərarlar da “TOP TOP”un əsas müzakirə mövzusu olub. Proqramın video yazısını təqdim edirik:
