Azərbaycan teleməkanında qısa zamanda populyarlıq qazanan “TOP-TOP” verilişi növbəti buraxılışı ilə tamaşaçıların görüşünə gəlib.
Korner.az-ın məlumatına görə, Araz Əhmədovun budəfəki qonaqları “Sumqayıt”ın əvəzedicilərindən ibarət komandasının baş məşqçisi Rövşən Babayev, “Het-trik news” qəzetinin baş redaktoru İlqar Tağıyev və FİFA hakimi Anar Salmanov olub.
“TOP-TOP”da Premyer Liqanın son turda keçirilən matçları, Azərbaycan futbolunun hazırki durumu, oyunlarda baş verən hakim səhvləri və digər məsələlər müzakirə edilib. Bir sözlə teleməkanın maraqlı futbol proqramını izləməyə dəyər.
Qeyd edək ki, “Top-Top” proqramı hər həftənin çərşənbə axşamı saat 19:00-da “CHATBOX” kanalında canlı yayımda efirə gedir. “CHATBOX” kanalı KATV kabel televiziyası və internet vasitəsilə yayımlanır.
